0
4
0
9
0
3
साक्षरता
संकटाच्या छाताडावर
पाय रोवून चालणारी
अंधश्रद्धा रे पाहिल्यावर
दृष्टिकोन बदलविणारी
मुर्दाड मानवी मनामध्ये
चैतन्याची पेरणी करणारी
अनिष्टतेला भरचौकात
फटकारे शब्दांचे मारणारी
सत्तांध राजकारण्यांचा
संपत्तीचा माज जिरवणारी
ज्ञानामृत पाजून अज्ञाना
ज्ञान माहात्म्य मिरवणारी
वेदनांचा तो ज्वालामुखी
प्रेमानं सदैव शमविणारी
खिपली ती जखमेवरची
न काढता सुख पेरणारी
साक्षरता मजला हवी अशी
जिव्हाळा हृदयी वाढविणारी
साक्षरता ती काय कामाची ?
धर्मांधतेचे विष मनी पेरणारी
संग्राम कुमठेकर
ता.अहमदपूर जि.लातूर
=======≠
0
4
0
9
0
3
