’चला…. कवितेवर बोलू काही’बीडच्या प्रसिद्ध कवयित्री शर्मिला देशमुख घुमरे यांच्या ‘अव्यक्त चंद्रभा’ काव्यसंग्रहाचे थाटात प्रकाशन
जिल्हा प्रतिनिधी बीड
बीडच्या प्रसिद्ध कवयित्री शर्मिला देशमुख घुमरे यांच्या ‘अव्यक्त चंद्रभा’ काव्यसंग्रहाचे थाटात प्रकाशन
छत्रपती संभाजी नगर (दि ७ मे): मराठीचे शिलेदार बहुउद्देशीय संस्था नागपूरच्या वतीने दि. ७ मे २०२५ रोजी ‘भारतरत्न मौलाना अबुल कलाम आझाद संशोधन केंद्र व सभागृह’ छत्रपती संभाजीनगर येथे ‘गौरव अभिजात मराठी २०२५’ या कार्यक्रमांतर्गत राज्यस्तरीय पुस्तक प्रकाशन समारंभ व काव्यवाचन स्पर्धा उत्साहात संपन्न झाली. या भव्य प्रकाशन समारंभात बीडच्या प्रसिद्ध कवयित्री शर्मिला देशमुख घुमरे यांच्या ‘अव्यक्त चंद्रभा’ या तिस-या काव्यसंग्रहाचे मान्यवरांच्या हस्ते थाटात प्रकाशन करण्यात आले. सोबतच मुख्य संपादक राहुल पाटील यांनी काढलेल्या ‘गौरव अभिजात मराठी २०२५’ या विशेषांकाचे प्रकाशनही करण्यात आले.
याप्रसंगी संमेलनाचे अध्यक्ष साहित्यरुचक आमदार मा.विक्रम काळे, उद्घाटक व मुख्य आयोजक मा.डाॅ.पद्मा जाधव, शिवव्याख्याते डॉ.बालाजी जाधव, यशवंतराव चव्हाण सेंटरचे सचिव मा.नरेश शेळके, बुलढाणा, आयोजक ए बी पठाण, प्रमुख अतिथी प्रसिद्ध कवयित्री स्वाती मराडे आटोळे पुणे, मराठीचे शिलेदार संस्थेचे विश्वस्त प्रमुख अशोक लांडगे, व अरविंद उरकुडे यांच्या हस्ते एकूण २१ कविता संग्रहाचे प्रकाशन संपन्न झाले.
आयोजित पुस्तक प्रकाशन समारंभात मराठीचे शिलेदार प्रकाशन संस्थेतर्फे मानपत्र, शाल, सन्मानचिन्ह, सन्मानपत्र, विशेषांकाच्या प्रती व पुष्पगुच्छ देऊन कौटुंबिक सत्कार करण्यात आला. याप्रसंगी कुटुंबातील श्री दिपक दत्तात्रय घुमरे, श्री प्रदीप दत्तात्रय घुमरे, कु. राजनंदिनी प्रदिप घुमरे, चि.पृथ्वीराज प्रदिप घुमरे, श्री शिवाजी शामराव देशमुख, सौ.कुसुम शिवाजी देशमुख, श्री प्रताप शिवाजी देशमुख, श्रीमती कमल दत्तात्रय घुमरे , श्रीमती पार्वती विनायक देशमुख, श्रीमती मंजूश्री ज्ञानोबा निंबाळकर, श्री आप्पासाहेब शेषेराव डक, चि.रोहन नानासाहेब चव्हाण
श्री अरुण नामदेव पवार प्रामुख्याने उपस्थित होते.
या समारंभाचे बहारदार सूत्र संचालन मुख्य परीक्षक व कोषाध्यक्ष सविता पाटील ठाकरे सिलवासा, आयोजक प्रशांत ठाकरे, सिलवासा व कवी विष्णू संकपाळ यांनी केले तर आभार आयोजक कवयित्री वर्षा मोटे यांनी मानले. याप्रसंगी राज्यातील व राज्याबाहेरील मराठी साहित्यप्रेमी मोठ्या संख्येने उपस्थित होते.
