नाते

नाते

लग्नाची बोलणी झाली,
दोन कुटुंबे एकत्र आली,
मानपानाची गंमत झाली//

दोघांचे नाते जुळले,
तन-मन एक झाले,
प्रेमवेड ते सुखात न्हाले//

विचारांची गल्लत सुरू झाली,
हळूहळू नाते दुरावली,
संयमाने ती सुखावली//

होता नात्यांची कुस्ती,
घरात मूकबधीरांची स्थिती,
हरवली घरातली मस्ती//

संपत चालला होता संवाद,
पसरत होता एकटेपणाचा वाद,
केला एकोपा जपण्याचा नाद//

ऋणानुबंध जपण्यास,
नाती आणि संयम कामास,
सुखदुःखातही धीर माणसास//

हरला माझा ‘मी’पणा,
साधले मात्र घरपण,
हारूनही जिंकले माणूसपण//

उर्मिला गजाननराव राऊत
फ्रेंड्स कॉलनी नागपूर
=======

0 4 8 2 9 5