शर्यतीत मी

शर्यतीत मी

जीवनाच्या शर्यतीत रोजच धावते,
निराश होऊन कधी थांबते,
दुःखाला हरवण्या शक्ती खर्चते,
कधी सुखाच्या आनंदसरीत भिजते//1//

जपण्या स्वतःचे स्त्रीपण,
जखमी करते माझे मीपण,
राखण्या स्वतःचे अस्तित्व,
वेशीवर टांगते कधी तत्त्व//2//

झाले जरी तनमनाला घाव,
तरी माझे ध्येय मला ठाव,
मी पुन्हा पुन्हा खेळे डाव,
हे माझ्या ध्येयाचे गाव//3//

आले कितीही कठीण काम ,
तरी खंबीर उभी मी ठाम,
गाळणार मी कष्टाचा घाम,
विश्वासाने गाठेल परमधाम//4//

संघर्षाची शिदोरीही मी,
जगण्याची प्रेरणाही मी
शर्यतीत न संपणारी धावही मी
माझ्या स्वप्नांची विजेतीही मी//5//

उर्मिला राऊत
फ्रेंड्स कॉलनी नागपूर
======

0 4 8 2 9 7