गाव तसं चांगलं

गाव तसं चांगलं

पूर्वीच्या काळी होतं माझं
गाव तसं चांगलं
मिळून साऱ्या पुढऱ्यांनी
त्याचं वाभाडं काढलं!!

जंगल होतं सारं
झाडाझुडूपांनी व्यापलेलं
उभे राहिलेत तिथे आता
मनोरे उंचच उंच!!

शिळोप्याच्या गप्पा मारायला
असायचा झाडाभोवती पार
आता बंद सदनिकेत
उडतोय दारूचा बार!!

सणावाराला भेटत असत
गावकरी एकमेकांना
आता भ्रमणध्वनीवरून
येतात अबोल कोरड्या भावना!!

तसं माझं चांगलं गाव
आता आठवणीतच उरलंय
आधुनिकतेच्या नावाखाली
सारं काही सरलंय!!!

बी. आर. पतंगे (beeke )
जि.अहिल्यानगर
========

0 4 8 2 8 6