0
6
3
9
6
0
दिपावली
आली आली गं दिपावली
वाट पाहते गं माऊली
मायबापाची गं मी लाडकी
मला गं लागतीया उचकी
सकाळी दादाची लगबग
आईच्या जीवाची तगमग
आला आला गं भाऊराया
कंठात दाटलीया गं माया
कासावीस झालाय गं सखा
निरखून पाहतोय सारखा
उरात करतंय गं धडधड
दादाची निघण्याची गडबड
विरहाचे पाहून नयनी दुःख
विसरतील पोटाचीच भूक
जीव गुंतलाय गं सासरी
कान्हा वाजवतोय गं बासरी
माहेरी जाण्याची गं बाई
मला गं लागलीय घाई
वाट पाहत असेल उपाशी
सकाळपासून गं माझी आई
संग्राम कुमठेकर
ता.अहमदपूर जि.लातूर
==========
0
6
3
9
6
0
