0
6
3
9
6
5
प्रेमरहस्य
प्रेमरहस्य कुणा न कळले
कधी कुणा ना उलगडले
प्रेमाचे ऐसे आदिम कोडे
कुणीच ना कधी सोडवले
फुलात सुगंध कसा वसतो
चांदणी सवे चंद्र शोभतो
किनारा लाटांना स्पर्शतो
कमलिनीत भृंग गुंततो
मेघ धरणीला भेटताना,
तृप्त माती दरवळताना,
थेंबाथेंबांतून प्रेम फुलते
हिरव्या अंकुरांतून हसते
शब्दांपलीकडचे नाते
मौनामधुनी व्यक्त होते,
डोळ्यांत दाटलेल्या भावनांना
अश्रूंची मग भाषा लाभते
कधी विरहात प्रेम फुलते,
कधी प्रतीक्षेत आयुष्य झुरते,
मिळण्यातच प्रेम नसते,
हरण्यातही कधी ते उरते
वृंदा (चित्रा) करमरकर
ता. जिल्हा सांगली
========
0
6
3
9
6
5
