0
4
8
2
8
4
खबरबात
सांगून थकलोय दुखणी
अश्रू ढाळते हासरी पापणी
निःशब्द झालीय लेखणी
कुणा दाखवू हृदय टोचणी ?
हृदयगाभारी हुंदके दाटले
जखमेवरती चोळताच मीठ
बहरण्यापुर्वी पंख छाटले
कुणी ठरवलं श्रेष्ठ धर्मपीठ ?
खबरबात रे नाही लागली
संविधानाला कसं डावलले?
मनूवादी रे मीठास जागली
लोकशाहीची स्तंभ हालवले
जाती-धर्माची नशा चढली
विचारांची भरकटली दिशा
द्वेषपेरणी सर्वत्र का वाढली ?
प्रकाशाची चेष्टा करी निशा
बेगडी मुखवटे बेगडी माया
पाया पडती घेता खबरबात
नकोशी वाटे विद्रोही काया
गोड बोलूनच करतात घात
संग्राम कुमठेकर
जिल्हा लातूर
==========
0
4
8
2
8
4
