’चला…. कवितेवर बोलू काही’११ वा आंतरराष्ट्रीय योग दिन संपन्न
तुषार थळे, अलिबाग प्रतिनिधी
११ वा आंतरराष्ट्रीय योग दिन संपन्न
तुषार थळे, अलिबाग प्रतिनिधी
अलिबाग: ६ महाराष्ट्र बटालियन एनसीसी मुंबईने अलिबाग समुद्रकिनाऱ्यावर आंतरराष्ट्रीय योग दिनाचे आयोजन केले होते. यावेळी आंतरराष्ट्रीय योग दिनाची थीम ‘एक पृथ्वी, एक आरोग्यासाठी योग’ होती. या ११ व्या आंतरराष्ट्रीय योग दिनाच्या आयोजनाची सर्व व्यवस्था एनसीसी युनिट जेएसएम कॉलेजने केली होती. नाना पाटील हायस्कूल पोयनाड आणि रोहा हायस्कूलच्या कॅडेट्सनी सहभाग घेतला.
या कार्यक्रमात एकूण २६० कॅडेट्सनी सहभाग घेतला. योगा सुरू होण्यापूर्वी, ६ महाराष्ट्र बटालियन एनसीसी मुंबईचे कमांडिंग ऑफिसर कर्नल नितेश पटियाल यांचे स्वागत प्रथम अधिकारी समाधान भंडारे यांनी केले आणि प्रशासन अधिकारी कर्नल आशिष कुमार सर यांचे स्वागत प्रथम अधिकारी अडसूळ यांनी केले. जेएसएम कॉलेज एनसीसी युनिटचे कॅडेट सिद्धार्थ नायक यांनी योग प्रशिक्षण दिले. या कार्यक्रमात जेएसएम कॉलेजच्या प्राचार्य डॉ. सोनाली पाटील उपस्थित होत्या आणि जनता शिक्षण मंडळाचे अध्यक्ष माननीय अधिवक्ता गौतम पाटील यांनी कार्यक्रमाचे मार्गदर्शन केले.
महाविद्यालयीन शिक्षक आणि शिक्षकेतर कर्मचारी २० जणांच्या संख्येने उपस्थित होते. यावेळी सुभेदार सच्चिदानंद साहेब यांनी आभार मानले. कार्यक्रमाचे संपूर्ण व्यवस्थापन आणि संचालन कॅप्टन डॉ. मोहसीन खान यांनी केले.
