0
4
8
2
9
7
काहीतरी सांगायचं?
पाटावरती फोटो मांडून बाळा
ओवाळून अर्पण राखी तुजला
दाटल्या विरहवेदना काळजात
काहीतरी सांगायचंय? मजला…!!१!!
बहीण भावाचे पवित्र प्रेम देवा
अर्ध्यात घेतले तू हिरावून असे
आठवणींचे गाठोडे बहिणींनी
आयुष्यभर सांभाळावे रे कसे…!!२!!
भैयाच्या आवडीचे सर्व पदार्थ
पण तू आता खाणार ना कधी
दुःख लपवले जरी काळजात
पण अश्रू लपेना पापण्यामधी…!!३!!
जीव की प्राण आईचा होता
म्हणून देवाला प्रिय तू झाला
जोपर्यंत श्वासात श्वास माझा
आठवण येईल क्षणाक्षणाला…!!४!!
काहीतरी सांगायचंय? तुजला
बोलतोस तू स्वप्नात रोज काही
काय बोललास माझ्याशी बाळा
हे मला सकाळी आठवत नाही…!!५!!
राजश्री मिसाळ ढाकणे
ता. जिल्हा बीड
==========
0
4
8
2
9
7
