बँक ऑफ बडोदा, नवी मुंबई क्षेत्रीय कार्यालयातर्फे पेण येथे बांधकाम व्यावसायिकांची बैठक संपन्न
तुषार थळे, प्रतिनिधी अलिबाग
बँक ऑफ बडोदा, नवी मुंबई क्षेत्रीय कार्यालयातर्फे पेण येथे बांधकाम व्यावसायिकांची बैठक संपन्न
तुषार थळे, प्रतिनिधी अलिबाग
बिनधास्त न्यूज नेटवर्क
पेण, रायगड, (दि २३) : बँक ऑफ बडोदा, नवी मुंबई क्षेत्रीय कार्यालयाच्या वतीने पेण, जिल्हा रायगड येथे बांधकाम व्यावसायिक व रिअल इस्टेट विकासकांची बैठक आयोजित करण्यात आली. बँकेच्या सुरू असलेल्या ‘होम लोन कनेक्ट’ अभियानाला चालना देणे तसेच ‘मुंबई 3.0’ अंतर्गत निर्माण होणाऱ्या रिअल इस्टेट क्षेत्रातील संधींबाबत चर्चा करणे हा या बैठकीचा मुख्य उद्देश होता.
या बैठकीला श्री. उदय साते, श्री. रवींद्र मोरे यांच्यासह अनेक प्रतिष्ठित बांधकाम व्यावसायिक उपस्थित होते. या बैठकीत परिसरातील गृहबांधणी क्षेत्रातील संधी, गृहकर्जाची वाढती मागणी, ग्राहकांना मिळणाऱ्या बँकिंग सेवा आणि बांधकाम व्यावसायिक व बँक यांच्यातील समन्वय अधिक प्रभावी करण्याबाबत सकारात्मक व फलदायी चर्चा झाली.
या कार्यक्रमाला बँक ऑफ बडोदा, नवी मुंबई क्षेत्राचे प्रादेशिक व्यवस्थापक तथा उपमहाव्यवस्थापक श्री. मनीष कुमार सिन्हा आणि नवी मुंबई क्षेत्राच्या गृहकर्ज विभागाचे प्रमुख श्री. रवी कुमार रेड्डी यांनी मार्गदर्शन केले. तसेच वडखळ, अलिबाग, रेवदंडा, पेण, वढाव आणि सीवूड्स येथील शाखा व्यवस्थापकांनीही या बैठकीत सहभाग घेतला.
यावेळी श्री. मनीष कुमार सिन्हा यांनी बँक ऑफ बडोदाच्या ग्राहककेंद्रित कार्यपद्धतीवर प्रकाश टाकला. गृहकर्जावरील स्पर्धात्मक व्याजदर, कर्ज मंजुरीसाठी लागणारा कमी कालावधी, जलद सेवा आणि ग्राहकांना सुलभ पद्धतीने कर्ज उपलब्ध करून देण्याच्या बँकेच्या प्रयत्नांची त्यांनी माहिती दिली. अधिकाधिक ग्राहकांपर्यंत बँकेच्या विविध गृहकर्ज योजनांचा लाभ पोहोचविण्यासाठी बांधकाम व्यावसायिक आणि शाखा व्यवस्थापकांनी समन्वयाने काम करण्याचे आवाहनही त्यांनी केले.
बैठकीदरम्यान बँकेच्या विविध गृहकर्ज योजनांची माहिती देण्यात आली. त्यामध्ये ‘बडोदा मॅक्स सेव्हिंग्ज’ (Baroda Maxx Savings) या योजनेअंतर्गत पात्र लिंक्ड बचत खात्यातील शिल्लक रकमेच्या आधारे गृहकर्जावरील व्याजाचा भार कमी करण्याच्या सुविधेबाबत माहिती देण्यात आली. तसेच विकासकांकडून भूखंड खरेदी करू इच्छिणाऱ्या ग्राहकांसाठी असलेल्या ‘स्वभूमी’ (Swabhumi) योजनेचीही माहिती उपस्थितांना देण्यात आली.
या बैठकीमुळे बँक आणि बांधकाम व्यावसायिक यांच्यातील व्यावसायिक संबंध अधिक दृढ होण्यास मदत झाली. ग्राहकांना गृहकर्जाबाबत योग्य मार्गदर्शन, जलद कर्जप्रक्रिया आणि दर्जेदार सेवा उपलब्ध करून देण्यासाठी सर्वांनी एकत्रितपणे प्रयत्न करण्याचा सकारात्मक दृष्टिकोन व्यक्त केला.
बँक ऑफ बडोदा, नवी मुंबई क्षेत्राच्या या उपक्रमामुळे पेण, रायगड आणि आसपासच्या परिसरातील गृहकर्ज व्यवसायाला चालना मिळण्यास तसेच ‘होम लोन कनेक्ट’ अभियानाच्या माध्यमातून अधिकाधिक ग्राहकांपर्यंत बँकेच्या योजनांची माहिती पोहोचण्यास मदत होणार आहे.
ग्राहकांना उत्कृष्ट बँकिंग सेवा देणे, गृहस्वप्न पूर्ण करण्यासाठी आर्थिक सहाय्य उपलब्ध करून देणे आणि परिसराच्या रिअल इस्टेट विकासाला हातभार लावणे, या उद्देशाने बँक ऑफ बडोदा सातत्याने कार्यरत आहे.
