0
5
1
7
5
8
स्वागत नववर्षाचे
करू स्वागत नववर्षाचे
गुढीपाडवा सण आला
उभारू गुढी मांगल्याची
जल्लोष मराठी नववर्षाला ||
सुख समाधान शक्ती आरोग्य
प्रेम आनंद लाभो संपदा ऐश्वर्य
भराभराटीचा काळ येवो
प्रकाशो जीवनी नव सूर्य ||
शेतकऱ्यांचे कामकऱ्यांचे
पिकधान्ये समृद्ध हर्षाने बहरो
लक्षावधी दिप तेज झळोझळो
दशा तिमिर संकट सरो ||
अभिमानाने लहरीत गुढी
स्वागता साखरगाठी गोडी
भगवी पताका उंच शिखरी
वैभवे दिव्य शोभे माडी ||
दारी आंबतोरणे बांधियले
नभी रेखिते चांदण रांगोळी
‘पवन’ म्हणे सुंदरमय संस्कृती
नववर्षदिनी चैतन्य भुस्थळी||
पवन सु. किन्हेकर
बोरगाव, जि.वर्धा
========
0
5
1
7
5
8
