श्रावणसरी

श्रावणसरी

झरझर वाहे निर्मळ झरा
अन् निसर्गरम्य धबधबा
श्रावण हिरवळ लेवून आला
दडला होता धरून दबा
रान फुलले डोंगर हसला
हासऱ्या पहा ना वृक्षवल्ली
शुभ्र पांढऱ्या हसरा धबधबा
हसऱ्या धारा मिळती जळी
खेळखेळता ऊन सावली
अवखळ बरसती श्रावणसरी
शालू नेसुनी हिरवा सुंदर
मंजुळ गाणे गाते दरी
नागपंचमीला हा खेळ रंगला
रंगल्या खेळात सखी सुवासिनी
फेर धरता दुःख विसरल्या
जणू नाचतो मोर अंगणी..

विलास सूर्यवंशी
नेरूळ, नवी मुंबई
==========

0 5 9 4 1 4