श्रावणी चाहूल

श्रावणी चाहूल

दणदणणारे घणघणणारे
माघारले आषाढ पाऊल
रूणझुणती रिमझीमशी
लागली श्रावणी चाहूल..//

रुद्रावतारी प्रलयंकारी
आता ओसरले महापूर
स्थिरावलेल्या प्रवाहाचे
खळखळती मंजुळ सूर..//

ऊन पावसाच्या खेळात
आसमंत ही झाला दंग
खुल्या नभात निखरले
सुरेख इंद्रधनूचे सप्तरंग..//

अवखळत्या वार्‍याची
झुळझुळती संथ लहर
सळसळत्या उत्साहाने,
डोलू लागले पर्ण बहर.//

हिरव्या साडी चोळीचा
वसुंधरेने केलाय शृंगार
अन् गर्भारल्या धरेच्या,
अंगोपांगी आला निखार..//

विष्णू संकपाळ
बजाजनगर छ. संभाजीनगर

0 5 7 8 9 8