
0
6
5
0
7
0
वरदहस्त
दूर करी सर्व विवंचना
राहो सर्व समाधानी
करी विकारांना नष्ट
सत्वतेज राहो मनी
कलह सारे दूर करी
वाढो एकीची भावना
प्रेमभावाची परस्पर
व्हावी सदैव स्थापना
गरीबीचे चटके जरी
नको कुणापुढे लाचारी
गरजा भागू दे सर्वांच्या
नांदो सुख शांती घरी
शेतकरी,कामकरी
संकटाने असे त्रस्त
मदतीची हाक देऊन
मिळवावा स्नेह हस्त
वरदहस्त गणराया
राहो सदा सर्वावरी
मनोभावे तुझी अर्चना
करी कृपा भक्तांवरी
श्रीमती सुलोचना लडवे
जिल्हा अमरावती
0
6
5
0
7
0



