0
5
1
6
5
2
ती आहे म्हणून
प्रपंचास माझ्या अर्थ आहे
ती आहे म्हणून ॥
जीवन माझे सार्थ आहे
ती आहे म्हणून ॥॥१॥॥
ती आहे म्हणून मी निवांत आहे
विवंचनांपासून मी शांत आहे ॥
मला न कसली भ्रांत आहे
ती आहे म्हणून ॥॥२॥॥
जेव्हा जेव्हा मी उदास होतो
ती मजला उभारी देते ॥
प्रत्येक दुःखाची झळ कमी भासे
ती आहे म्हणून ॥॥३॥॥
मी खचलो तर ती धीर देते
प्रेमळपणे मजला साथ देते॥॥
अडचणींवर मात होते
ती आहे म्हणून ॥॥४॥॥
लेकरांवर उचित संस्कार
पाहुण्यांचा आदरसत्कार ॥
मुलांच्या शिक्षणाचा मजला न भार
ती आहे म्हणून ॥॥५॥॥
हे दुश्कर जीवन सुसह्य झाले
तीच्या स्मितहास्यावर माझे क्लेश निमाले
माझे जीवन कृतकृत्य झाले
ती आहे म्हणून ॥॥६॥॥
डाॅ.नझीर शेख
राहाता, अहिल्यानगर
0
5
1
6
5
2
