रंगात तुझ्या; बळवंत डावकरे

रंगात तुझ्या

मुखी नाम नि हातात टाळ
रंगात तुझ्या रंगावं म्हणतो
प्रगटून देशील का तू दर्शन
पायी तुझिया माथा टेकतो

कर कटेवर ठेऊन उभा तू
वाहशी भार या इहलोकीचा
भजनात दंग सारे वारकरी
गजर मुखी तुझ्याच भक्तीचा

पायी वारीचे भक्त निस्सिम
मजल दरमजल दिंडी चाले
ओढ भक्ता तुझ्या दर्शनाची
खांदी पताका जयहरी बोले

संगे तयांच्या अधुनमधून
ऊन पाऊस नि थंडी वारा
भरवसा जगाच्या मालका
वाहतो विठोबा भार सारा

श्रद्धा आमची चरणी वाहतो
रंगात तुझ्या दंगले वारकरी
ठेवजो कृपादृष्टी भक्तांवर
ठेचू पातक होऊन धारकरी

बळवंत शेषेराव डावकरे
मुखेड जिल्हा नांदेड
=========

0 4 8 2 9 0