0
4
8
2
9
0
अंधारयात्री
अंधकारमय जीवन होते,
चाचपडत होतो अंधारात..
मानव असून मानवतेचा,
लवलेश नव्हता जीवनात… !!१!!
पशुतुल्य जीवन जगायचं,
नशिबी आमच्या ठरलेलं..
गावकुसा बाहेर राहायचो,
अज्ञान अंधकार पडलेलं… !!२!!
अंधारयात्री बनून प्रवासी,
प्रतीक्षा होती ज्ञानसूर्याची..
पिढ्यान् पिढ्या काळोख,
दूर केला किमया भीमाची…!!३!!
भारतीय संविधान लिहून,
दिलाय शिक्षण अधिकार..
मनसोक्त ज्ञानामृत प्राशन,
केला अज्ञानाचा प्रतिकार…!!४!!
प्रकाशात न्हावून निघालो,
दूर पळालाय तो अंधकार..
दाही दिशा मोकळ्या त्या,
बा’भीमाचेच थोर उपकार…!!५!!
बी. एस. गायकवाड
पालम, जि.परभणी
=======
0
4
8
2
9
0
