खंतवाणी; विष्णू संकपाळ

खंतवाणी

किंचित विपरीत घडताच,आळवू नये खंतवाणी
यथावकाश होतेच, दूध का दूध पाणी का पाणी..//

हीच तर असते तुमच्यातल्या, संयमाची परीक्षा
मनासारखे घडण्यासाठी, करावी थोडी प्रतिक्षा..//

बावन्नकशी सोनेच येथे, अग्निदिव्य करते पार
इवलीशी मुंगी सुद्धा, मानत नाही कधीच हार.. //

चाळून पाहा संतचरित्रे, कळे यातनामय प्रवास
असंभवही संभव होते, करीता अखंड सायास.. //

उभा राहोत मार्गात जरी, लाख संकटांचे पहाड
उरात हिम्मत अन् मुखात, सिंहगर्जनेची दहाड.. //

शिकून घ्यावे चुकातूनही, नको मनात खंत खेद
शून्यातून नव निर्मितीची, जागायला हवी उम्मेद..//

हर पहाट देते संधी नवी, जागा हो रे ध्येयवेड्या
गळून पडू देत मनातल्या, खंतवाणीच्या बेड्या.. //

विष्णू संकपाळ,बजाजनगर
छ. संभाजीनगर
============

0 4 8 2 9 3