0
4
8
2
9
7
मतितार्थ
अखेर तुझ्या भूमिकेचा
हाच होता तर मतितार्थ
मीच तुला गृहीत धरणे
कदापीही नव्हते सार्थ..//
तुझे मन जिंकण्यास
प्रयत्नांची केली शर्थ
कळून चुकले एव्हाना
ठरलोय मीच असमर्थ..//
मोकळ्या संवादातले
हुकत गेले सर्व संदर्भ
ना जाणो का लावले
मला हवे तसेच अर्थ..//
कुणी स्वतः स्विकारणे
हा निर्णय खरा यथार्थ
मात्र स्वतःला कुणावर
लादण्यात नसे पुरूषार्थ..//
झाला जरी भ्रमनिरास
टळला जरूर अनर्थ
तुटलो तरी सावरायला
ठरेन माझा मी समर्थ..//
विष्णू संकपाळ
बजाजनगर छ. संभाजीनगर
=======
0
4
8
2
9
7
