का टाळतोस मला कुसुम पाटील कसबा बावडा कोल्हापूर

का टाळतोस मला

सांग ना मला काय झाले तुला
का टाळतोस मला समजेना
असा काय गुन्हा झाला
काहीच मला उमजेना

विसावल्या सावल्यांतूनी
पाऊल हे मुळीच निघेना
कितीही पाहिल्या नजारा
काळजाची तृष्णा मिटेना

रेताळलेल्या बेधुंद काठाने
लावला लळा जिव्हाळा
उत्साही वातावरणी त्या
अनुभवला सुगंध निराळा

नजरेत न मावणारी प्रित
लावीते ओढ तनामनाला
अंतरीक लयलूट हर्षाची
बनवी खास हरक्षणाला

का टाळतोस मला आज
पुरवी प्रसन्न संधी प्रकाश
चैतन्यानुभूती देऊनी हाती
जायी दृष्टी आड सावकाश

कुसुम पाटील
कसबा बावडा कोल्हापूर

0 4 8 2 9 0