0
4
8
2
8
6
सरकारी गोंधळ
शासनकर्ती जमात
झाली अप्पलपोटी,
वाढलेले ताट पाहून
पाणी सुटे,जिभी ओठी.
हिसकावून ताटातले
स्वतःच्या घाली पोटी,
हपापलेली जमात
पळवी फसवून रोटी.
निवडणूक येता
नेतेगिरी बोकाळे,
सरकारी गोंधळ कांही
ना कधी, कोणा, कळे.
पैशाची बरसात करून
मताची होई पळवा पळवी,
बाळकडू खोटेपणाचे
घराणेशाही दाखवी.
असतो,ज्यांच्या हाती ससा
सदैव,होई तोच पारधी,
हक्क गाजवी शिकारीवर
म्हणे मीच केली,शिकार आधी.
मायादेवी गायकवाड ठोकळ
मानवत, जि.परभणी
0
4
8
2
8
6
