मनसंवाद

मनसंवाद

गर्दीमध्ये मन एकटे
शब्द शोधते अंतरीचे
ओठांवरती मौन दाटे
स्वर उमटती काळजाचे
चेहऱ्यावरती हास्य फुले
डोळ्यांमध्ये पाऊस दाटे
मन आपुले मनास कळे
दुःख कुणाला सांगावे ते?
रात्र उतरता नभांगणी
चंद्र विचारतो हळुवार
काय हरवले अंतर्मनी?
मन देते मौनात उत्तर
भूतकाळाच्या पाऊलखुणा
आज पुन्हा का जाग्या होती?
आठवणींच्या ओल्या वाटा
मनास कुठे दूर नेती?
मन म्हणते,थांब जरा तू
हरवू नको या गर्दीत
जप स्वतःला, शोध स्वतःला,
उमल पुन्हा नव्या प्रीतित!
जग जरी अनोळखी झाले
मन राहो आपुले सोबत
स्वतःसाठी स्वतःच झाले
मनसंवाद साधत साधत
गर्दी सरते, रात्र निवते
पहाट नवी दारी येते
मनाशी जे मन बोलते
तेच जगणे शिकवून जाते!

सविता पाटील ठाकरे
सिलवासा, दादरा नगर हवेली
===========

0 6 4 5 2 5