0
5
1
7
9
7
हसरी मुले
माझ्या सभोवती असायची, शेजारची हसरी मुले
निस्वार्थ लहान मुले, म्हणजेच देवाघरची फुले
त्यांच्या गोड लाघवी हास्याने, प्रसन्न असायचे मन
आठवतो आजही त्याच्या, सहवासातील प्रत्येक क्षण
लोभस, गोंडस बालकांमध्ये, मी आनंदाची धनी
भाग्यवंत माझीच मी, नेहमी असायची समाधानी
बालपण म्हणजे असतं, नदीचं खळाळत पाणी
प्रभातीला कानी पडावी, पंक्षाची मंजुळ वाणी
मोहक, गोंडस,नाजूकशी , ही देवाघरची फुलं
आवडतात मला फारच, ही देखणी हसरी मुलं.
इंदू मुडे
ब्रम्हपुरी, जि.चंद्रपूर
0
5
1
7
9
7
