0
4
8
2
9
4
बा विठ्ठला
मालक या जगाचा
ठेऊन कर कटेवरी
जगी ठेवितो ध्यान
उभा सदा विटेवरी
पोशिंदा भक्त निस्सीम
चुकत कधी नाही वारी
लागता आषाढी चाहूल
पायी दिंडीचा वारकरी
अठराविश्वे जरी दारिद्रय
नसे फिकीर कुठे मनात
हरीनामाचा ओठी गजर
मुर्ती सावळी मज ध्यानात
विठ्ठला भोळाभाबडा
बडव्यानी तुज कसे घेरले
चराचरात वास्तव्य असता
आमच्यापासून कसे चोरले
विनंती तुज बा विठ्ठला
थांबव परवड जीवनाची
चुकला जरी प्रसंगी कुणी
ठेवजो नजर सदा ममतेची
बळवंत शेषेराव डावकरे
मुखेड जिल्हा नांदेड
==============
0
4
8
2
9
4
