रक्तपात नको मानवा

रक्तपात नको मानवा

रक्तपात नको मानवा
शिकवण बुद्धाची स्मरूया
मानवतेचा कल्याणकारी
मार्ग बुद्धाचा अनुसरुया….!!

प्रेम द्यावे, प्रेम घ्यावे
शत्रूलाही प्रेमाने जिंकावे
बंधूभाव रुजवून मनामधी
गुण्या गोविंदाने नांदावे…!!

द्वेष लोभ मोह माया मत्सर
करू नये कुणाचा कधी
दया क्षमा करुणा शांतीचा
मार्ग अवलंबावा जीवनामधी…!!

उच्च नीच्च जाती धर्माच्या
पाडून टाकाव्यात भिंती
मानव आपण समान सारे
नांदू देत हृदयामध्ये शांती….!!

युद्ध हे तर विनाशकारी
वैर वाढत जाईल मनात
हिंसाचार अशांतता निर्माण
होईल प्रत्येकाच्या हृदयात…!!

बी एस गायकवाड
पालम,परभणी

0 5 9 6 9 7