एक मिठी प्रेमाची

एक मिठी प्रेमाची

विरहाच्या वेदनेने
मेघ सर्द सर्द गं
आभाळाला मातीचे
पिसे गर्द गर्द गं

उमलण्यासाठी पुन्हा
मिटावेच लागते
फिरून पुन्हा येण्यासाठी
परतावेच गं लागते

विरहाची का कधी
कल्पना गं रुचते ?
परतीची सर अशी का
ओढाळ गं बरसते ?

तव एक मिठी प्रेमाची
गवसे अनुबंध गं
पाना-फुलात दाट तो
भेटीचा सुगंध गं

विरहाचा शाप असा
का असोशीला लाभतो ?
अंतरीचा ओढाळपणा
का असोशीने दाटतो ?

कणाकणात तुझ्या असे
पेरले मलाच मी
मीच अंकुरलो, फुललो,
प्रकाशलो सवे तमी

जपशील ना खुणा सखे,
ओठांत प्रीतीची गाणी
स्वप्न हिरवे सजवूया
अंतरात गं क्षणोक्षणी

वृंदा (चित्रा) करमरकर
जिल्हा सांगली
==========

0 5 1 7 9 6