तू

तू….

तू सूर्याचा पहिला किरण
झोपून उठल्यावरची पहिली आठवण
दुसरे नसतेच मनात काही
तुझ्याच विचारांची साठवण….

तू शांत लहरीचा किनारा
पहाटेची मजसाठी किलबिल
एकांतक्षणी जणू सजलेली
सप्तसुरांची बेधुंद मैफिल ….

तू मनातील स्वप्न माझ्या
जाणिवेत नेणिवेत वसलेले
नसेल तळहातावर परी
हृदयात ठळक गोंदलेले…..

तू एक मंद झुळूक
अंगावर माझ्या शहारलेली
अंर्तमनाच्या बगिच्यात
जशी रंगीबेरंगी फुले उमललेली….

तू एक आस माझी
विरान विराट वाळवंटात
असेल चालणारी मी एकटी
परी तुझ्या अदृश्य सहवासात…

शर्मिला देशमुख -घुमरे
केज रोड जि.बीड

0 4 8 2 9 0