आईचे प्रेम नि:स्वार्थ असते

आईचे प्रेम नि:स्वार्थ असते

आईचं प्रेम हे कोणत्याही अपेक्षेशिवाय असतं. ती आपल्या लेकरासाठी सर्व काही सहन करते. थकवा, वेदना, उपासमार, आणि तरीही तिच्या चेहऱ्यावर हसू असतं. जग कितीही बदललं तरी आईचं प्रेम कायमच असतं. नितळ, निर्मळ आणि शुद्ध. म्हणूनच, तिच्या प्रेमाची सर कुणालाच येत नाही.आई म्हणजे जगण्याचं खरं बळ.आपण कितीही मोठे झालो, यशस्वी झालो, तरी संकटाच्या वेळी मन आईकडेच धाव घेतं. तिचा स्पर्श, तिचा आशीर्वाद आणि तिचं धीर देणारं बोलणं, यामुळेच मनाला आधार मिळतो. ती फक्त आपली आई नसते, ती आपली पहिली गुरू, पहिली संजीवनी असते.आईचं आयुष्य म्हणजे बलिदान.आईचं संपूर्ण आयुष्य हे आपल्या लेकरांसाठी समर्पित असतं. ती स्वतःच्या इच्छा, हौस, सवयी सगळं बाजूला ठेवते. फक्त आपल्या मुलांच्या सुखासाठी.

एवढं मोठं बलिदान इतर कुणीच सहज देत नाही. म्हणून आईच्या काळजीचा हिशेब कोणताही माप घेत नाही.आईचं महत्व लक्षात येतं उशिरा. बर्‍याचदा आपण आईच्या प्रेमाची, तिच्या माया-जपणुकीची खरी किंमत फार उशिरा लक्षात घेतो. कदाचित ती आपल्या जवळ नसते तेव्हा. तिच्या छोट्या गोष्टी, तिने दिलेली शिकवण, तिच्या हातचं अन्न – या सगळ्या आठवणी हृदयात घर करून बसतात. म्हणूनच, तिच्या असण्याचं भान असताना तिची जास्त काळजी घ्या. आई म्हणजे देवाचं प्रतिरूप: जगात देव सगळीकडे असू शकत नाही, म्हणून त्याने आई निर्माण केली असं म्हटलं जातं. तिचं अस्तित्व म्हणजे दैवी कृपेचा अनुभव आहे. ती फक्त जन्म देत नाही, तर संस्कार, प्रेम, जिव्हाळा आणि निस्सीम आधार देते. त्यामुळे तिची जागा कुणीच घेऊ शकत नाही.

डॉ ज्ञानेश्वर माशाळकर
जिल्हा धाराशिव
=========

0 4 8 2 9 0