0
4
8
2
8
4
होकार देऊन पहा
तुझ्या प्रेमासाठी सखे
आतुरले माझे मन
रोज तुला पाहुनिया
तृप्त होतात नयन
तुझ निखळ हसणं
मोहविते ग मनाला
रूप तुझं हे देखणं
भुलविते अंतराला
माझ्या स्वप्नांची आहे
तूच जीवनात राणी
बांधू लगीनगाठ ग
मांडू संसार साजणी
नको म्हणू ग तू नाही
नको तोडू या मनाला
होकार देऊन पहा तू
उधाण येईल आनंदाला
तूला पूजितो हृदयी
मनमंदिराची ज्योत
जगण्याची तू उमेद
उभा वाट न्याहाळत
*श्रीमती सुलोचना लडवे*
*अमरावती*
*सदस्या,मराठीचे शिलेदार समूह*
0
4
8
2
8
4
