शोध सुखाचा

शोध सुखाचा

सैरभैर झालं हे जीवन
धावतंय मृगजळामागे
पदरी पडे जेव्हा निराशा
मन मनालाच दुःख सांगे

विश्वरुप पाहताना जगाचे
स्वरुपाचा तूज विसर पडे
स्वतःमध्ये पहा डोकावून
ऐकवती अंतरीचे बोल खडे

धांद्यात मिथ्या बोलुनी का
फसवतात जनमाणसांना
कुकर्म घेऊन हे संगतीला
वाट लटके नेत्री आसवांना

सत्कर्म निखळ पाण्यावाणी
दिसावे आचार विचारातून
शोध सुखाचा घेशी जेंव्हा
पडावे प्रतिबिंब कार्यातून

अती हाव असे खडा मिठाचा
शोध सुखाचा घेण्यात फसला
नशिबी दुःखाचेच काटे पसरले
जगण्यात राम न आता उरला

बळवंत शेषेराव डावकरे
मुखेड जि.नांदेड

0 4 8 2 9 0