नागपूरच्या ‘अनुया’ची अनोखी राखी

नागपूरच्या ‘अनुया’ची अनोखी राखी

पोलिस बांधवांसोबत केले रक्षाबंधन साजरे

शहर प्रतिनिधी, नागपूर

नागपूर (दि ९): कोणताही मोठा सण-उत्सव असो, शहरातील सुरक्षेसाठी अहोरात्र कर्तव्य बजावणाऱ्या पोलिस बांधवांच्या मनात कृतज्ञतेची भावना जागवणारा एक हृदयस्पर्शी उपक्रम यंदाच्या रक्षाबंधनाला पाहायला मिळाला. पंचदीप नगर येथील चिमुकली अनुया अभिषेक आचार्य हिने शहरातील विविध पोलिस ठाण्यांवर आणि सिग्नलवर ड्युटी बजावणाऱ्या पोलिसांना राखी बांधून रक्षाबंधनाच्या अनोख्या शुभेच्छा दिल्या.

अनुया, दिल्ली पब्लिक स्कूलची विद्यार्थिनी असून तिचे वडील अभिषेक आचार्य आयटी पार्कमध्ये कंपनी चालवतात, तर आई प्रीती आचार्य चार्टर्ड अकाउंटंट आहेत. विशेष म्हणजे, अनुया गेली चार वर्षे पोलिसांना राखी बांधण्याची परंपरा जपत आहे. लहानपणी रस्ता ओलांडताना वाहतूक पोलिसांनी केलेली मदत तिच्या लहानशा मनाला भिडली आणि त्यानंतर दरवर्षी ती ५० ते ६० पोलिसांना राखी बांधते.

या उपक्रमामुळे पोलिस बांधवांच्या चेहऱ्यावर आनंदाची लकेर उमटली असून, अनुयाच्या या भावनिक gesture ने रक्षाबंधनाचा सण अधिकच अर्थपूर्ण झाला आहे.

0 4 8 2 9 0