छ .शाहू महाराज गौरव गीत

छ .शाहू महाराज गौरव गीत

भीमाचे गुरुमित्र,झाले शाहू मायबाप।
राजश्रींचे भीम बा वरी उपकार हे अमाप।। //ध्रु//

हिनदीन दलितांची , दैना खूप होती।
समाजात शिक्षणाने,लाविल्या विद्याज्योती।
शिष्यवृत्ती देऊन केले, भीमाचे मोजमाप //1//

अन्यायाशी लढताना,मूकनायक अबोला।
अम्रुताची धार वाणी,बोलाया लाविला।।
अंधारी निजलेला जागे ,समाज निष्पाप //2//

शिवबाची तलवार,जशी लेखणी ज्योतिबांची
समता विचार सरणी, मानवता स्वातंत्र्याची
संविधान साक्षी आहे, विचारांचा मिलाफ//3//

बहुजनांच्या साठी कार्य ,कल्याणकारी थोर।
स्त्रियांना सन्मानार्थ ,विवाह कायदा मंजूर।।
सनातनींना भीमाचा,सुटलारे थरकाप //4//

गोवर्धन तेलंग
पांढरकवडा
=========

0 4 8 2 9 0