0
4
8
2
9
0
नटरंगी नार
ही नार अशी सुकुमार
हिची नजर तेजतर्रार
लयदार केशसंभार
सोसेना यौवनाचा भार
केसात माळली सुरंगी
कशी ही नार नटरंगी
तंग कंचुकी शोभे अंगी
कस्तुरीचा गंध अंगांगी
काया सतेज ही गोरटी
शोभे कशी सिंह कटी
नाजूकशी ही हनुवटी
नार सुंदर ही गोमटी
जशी सोनसळी मासोळी
सोन्याची अस्सल पुतळी
नभी उल्का लखलखली
तेजात न्हाऊनीया गेली
थिरकती तिची पावले
रसिक हे नादावले
लावण्य रंग उधळिले
नटराज तिथे अवतरले
वृंदा (चित्रा) करमरकर
ता. जि.सांगली
0
4
8
2
9
0
