पैंजणांचा आवाज

पैंजणांचा आवाज

आवाज तुझ्या पैंजणांचा,
मज ओळखीचा वाटतो;
कान्हाच्या बासरीसमान,
मनात माझ्या दाटतो.

निरागस चेहरा तुझा,
जशी कृष्णाची राधा तू;
मीच तुझा कृष्ण, माझ्या
शिवाय वाटते अर्धी तू.

नजरेचा कटाक्ष तुझा,
हेलकावे मन खाते;
गालावरची खळी तुझी,
स्वप्नांत घेऊंनी जाते.

कधी वाटते डुंबून जावे,
काळ्या भोर डोळ्यात;
उतरावे खोल हृदयात,
वास्तव्य करावे तनात.

कधी न यावे अश्रू तुज,
आले तर आनंदाचे असावे;
मोती बनूनी गालावरुनी,
घरंगळत ओंजळीत यावे.

डॉ. बालाजी राजूरकर
हिंगणघाट जि. वर्धा
========

0 4 0 9 0 3