बे दुणे चार; सुधा मेश्राम

बे दुणे चार

ऐका मुलानो ऐका
बे चा पाढा ऐका
एक तालात मिळून
चला देऊया ठेका

अंकगणिताचे चला
उघडूया दार
बे एक बे
बे दुणे चार

बे त्रिक सहा
नाचते मोर पहा
पोपट बनला भाट
बे चोक आठ

बे पंचे दहा
वाघाचे पंजे पहा
बे सखे बारा
सुसाट्याचा सुटला वारा

बे साती चौदा
रेंकू लागला गधा
बे आठी सोळा
सर्व प्राणी झाले गोळा

बे नऊ अठरा
वाघापासून आहे खतरा
बे दाहे वीस
पहा सुंदर मोरपिस

खेळीमेळीच्या वातावरणात
बे चा झाला पाढा पाठ
पेटली ज्योत ज्ञानाची
वाट गवसली यशाची

सुधा अश्वस्थामा मेश्राम
अर्जुनी/मोर.गोंदिया

0 4 8 2 8 6