0
6
3
9
6
1
पावन श्रावण
चैतन्य घेऊन l आला हा श्रावण
आनंदित मन l धरित्रीचे ll१ ll
श्रावण सरींनी l भिजले हो अंग
झाली सृष्टी दंग l पावसात ll२ll
पर्णोपर्णी नाचे l पावसाचे थेंब
उल्हासित कोंब l भुईपोटी ll ३ ll
हिरवाच शालू l धरेला शोभते
शिवार डोलते l आनंदात ll४ll
पावन श्रावण l रेलचेल त्यात
उत्सव भरास l साऱ्याजागी ll५ll
सप्तरंगी धनू l सृष्टीचे हो दान
विसरते भान l सानथोर ll६ ll
डॉ.सौ. मंजूषा साखरकर
ता.ब्रह्मपुरी, जिल्हा चंद्रपूर
========
0
6
3
9
6
1
