चला गाऊन तर बघू या

चला गाऊन तर बघू या…!!

ऐकला का हट्ट नवा? रामाला ग चंद्र हवा चंद्र हवा !

कौसल्येच्या मांडीवरती राममूर्ति ग खेळत होती रम्य आणखी अवतीभवती पसरली होती ती पुनवा

खेळतखेळत खिडकी मधुनी चंद्र पाहिला युवराजांनी त्यास भासला दिवाच दुरुनी चमचमणारा तो फसवा !

काय तरी हे अघटित बाईं चंद्र कसा हाताला येइ बाळ कुणाचे ऐकत नाही महाराजांना जा कळवा !

कुणि समजवा बाळाला या थकल्या त्याच्या तिन्ही आया दमल्या साऱ्या दासी-दाया फूल पुन्हा हें कुणि फुलवा

रामानी आकांत मांडिला चतुर मंत्री सुमंत आला समजाविल तो या रामाला त्यास वाट द्या बाजूस व्हा

अहा पहा ग आरशांतला चंद्र पाहुनी राम हांसला साखर वाटा जा नगरीला प्रजाजनांना जा हसवा

रामाला ग चंद्र दिला चंद्र दिला !

गीत – श्रीनिवास खारकर
स्वर, संगीत – गजानन वाटवे
गीत प्रकार – राम निरंजन, भावगीत

0 4 8 2 8 6