रंगभूमी

रंगभूमी..

जीवनाची रंगभूमी
हरएक जण कलाकार
भावनांचा असा पडदा
स्वतःच बनतो शिल्पकार..

जो या रंगभूमीवर उतरतो
चढवून एक मुखवटा
साकारतो कितीतरी व्यक्तीचित्र
आनंद-दुःखाच्या मूक छटा..

कधी खरं, कधी खोटं
बदलतात किती हावभाव
समोरचा शोधत राहतो ठाव
असा पडतो त्याचा प्रभाव..

रंगभूमी तीच राहते
बदलत जातात पात्र
भूमिकाही बदलतात
मनी आठवणींचं पात्र..

रंगभूमीच ती शेवटी
होतोच पडदा बंद
कहाणीचा होतो अंत
पण वठवण्याचा तो छंद..

प्रज्ञा सवदत्ती
गोरेगाव, जि.रायगड
=======

0 5 2 4 6 6