0
4
8
2
8
4
वर्ष सरतांना
वर्ष सरतांना सांगून जातंय
सन,महिना जाईल बदलून,
जाता जाता स्मृतीचा ठेवा
मनामनात जाईल जागवून.
कटू गोड आठवणींचा इथं
हिशोब होईल अनुभवाचा,
प्रत्येक महिन्यात आलेल्या
विविध प्रासंगिक घटनांचा.
उजाळा मिळतोय स्मृतींना
चित्रपट उभाच वर्षभराचा,
काय कमविले व गमविले
ताळमेळ बसेल कर्तुत्वाचा.
वर्ष सरतांना द्यावा निरोप
सज्ज स्वागतास नववर्षाला,
आपापल्यापरी साकार करा
योग्य आकार द्या जीवनाला.
उगवत्याला नमस्कार आहे
मावळत्या सोडी नजरेआड,
अनुभवाची शिदोरी सोबती
जीवन नौका नेईल पल्याड.
बी एस गायकवाड
ता.पालम,परभणी
0
4
8
2
8
4
