0
4
8
2
9
7
चक्रव्यूह
क्रांतीची बीजे रुजवुनी
पेटविला दीपक ज्ञानाचा
क्रांतीसूर्य-ज्योतीनी भेदला
चक्रव्यूह तो जातीभेदाचा
शुद्रादिकांच्या शिक्षणासाठी
चंदनासमची देह झिजवला
घातली ना भीक ज्योतीनी
सनातन्यांच्या गुलामगिरीला
खंत मुलींच्या शिक्षणाची
ओढले आसूड परिवर्तनाचे
घालून साद ती बहुजनांना
उघडले दार पुण्यात ज्ञानाचे
क्रांतीसुर्याच्या क्रांतीकार्याची
ज्योत सावित्रीबाई झाली
शेणचिखल दगडधोंड्यांचा
चक्रव्यूहास सामोरी गेली
एकदिलाची व एकजुटीची
जाऊ द्यावी ना शक्ती व्यर्थ
चक्रव्यूह भेदण्यासाठी देऊ
विचारांना विचारांचे सामर्थ्य
बळवंत शेषेराव डावकरे
नांदेड
=========
0
4
8
2
9
7
