भारतीय संविधान प्रा.दिनकर झाडे गडचांदूर जि.चंद्रपूर

भारतीय संविधान

धर्म पंथ जात भाषा
गुंफुनी माळेत एका
संविधाना तुझ्यामुळे
नष्ट झाला सारा हेका //१//

एक व्यक्ती एक मत
नाही अन्यायाला थारा
तुडवीत विषमता
देई समतेचा नारा //२//

संविधाना तुझ्यामुळे
आला जीवना आकार
संविधाना तुझ्यामुळे
झाले स्वप्नही साकार //३//

सारा विरोध शोषित
हित देशाचं जपलं
संपविण्या तुलाच रे
समाजकंटक टपलं //४//

जाणी; हक्क नि कर्तव्य
संविधाना तुझ्यामुळे
तरी करती विरोध
कां न अजूनही कळे //५//

उभ्या जगात वाढली
माझ्या भारताची शान
वदे डौलात तिरंगा
सखा शोभे संविधान //६//

वाचवुनी संविधाना
लोकशाही टिकवूया
भेदभाव विसरूनी
न्याय समता जपूया //७//

साऱ्या जगाहून श्रेष्ठ
भारतीय संविधान
त्याला वाचविण्यासाठी
देऊ सारे आम्ही प्राण //८//

प्रा.दिनकर झाडे
गडचांदूर जि.चंद्रपूर

0 4 8 2 9 4