माझी पाककला
विधारा करी
साहित्य: पाच ते सहा मोठी विधाराची पाने ,चना डाळीचे पीठ दोन कप, दोन कप उकडलेल्या बटाट्याचा कीस, (आठ-दहा लसूण पाकळ्या ,एक वाटी कोथिंबीर,आठ हिरव्या मिरच्या. या सर्व साहित्याची पेस्ट करून घ्या) मीठ, हळद,लाल तिखट, ओवा एक चमचा, तीळ अर्धी वाटी इत्यादी.
फोडणीसाठी साहित्य : एक कप भाजलेल्या कांदा खोब-याचे वाटण,दोन चमचे टमाटर पेस्ट, आले लसूण पेस्ट एक चमचा, दोन चमचे लाल तिखट,हळद,एक चमचा गरम मसाला,दोन मोठे चमचे तेल,मीठ,अर्धी वाटी कोथिंबीर
कृती: वरील पेस्टमध्ये तिखट,मीठ,हळद,ओवा ,तीळ, चना डाळीचे पीठ घाला व पाण्याने सरसरीत भिजवून घ्या.पाने स्वच्छ धुवून घ्या. त्याला चना डाळीचे पीठ लावून मध्ये बटाटा कीस,तिखट,मीठ, कोथिंबीर टाका व वड्या बनवा. वड्या वाफवून घ्या..पातेल्यात तेल घाला.आलेलसूण पेस्ट,कांदाखोब-याचे वाटण घालून परता.तिखट ,हळद,गरम मसाला घालून परता व चार कप पाणी घाला.पाणी घाला.उकळी आली की त्यात वाफवलेली विधारा वडी घाला. घाला.मंद आचेवर शिजू द्या.नंतर कोथिंबीर घाला. खाण्यासाठी तयार आपली ‘विधारा पोटॅटो करी’.
टीप: ही रेसीपी आपण सांबरमध्ये पण बनवू शकतो.
मीनाक्षी काटकर
ता.दारव्हा जि.यवतमाळ
