0
4
8
2
9
0
भेट “स्वप्नातील”
भेट स्वप्नातील आईसोबत
जाते मनी लावून चटका
भूतकाळ होतो पूर्ण जागृत
मनपटलावर उमटतो ठसा
ध्यानी मनी नसताना
अचानक येते स्वप्नात
करून गरम स्वयंपाक
वाढते प्रेमाने ताटात
वाटते तिचे अस्तित्व
रेंगाळते माझ्याभोवती
स्वप्नामधून देते सदा ती
निष्पाप प्रेमाची प्रचिती
दररोजचा हा नित्यक्रम
मनाला देतो विश्रांती
दूर जावून बारा वर्ष
तरी रोज ती माझ्यासंगती
वाटते प्रेमाची ही गुंफण
द्वैत आणि अद्वैताची
अंतरात उमलते खरी
ओढ रक्ताच्या नात्याची
श्रीमती सुलोचना लडवे
अमरावती
सदस्या,मराठीचे शिलेदार समूह
0
4
8
2
9
0
