“गार्डियन्स ऑफ द शोर” – सागरी कासव संवर्धन माहिती कार्यशाळा संपन्न
तुषार थळे, प्रतिनिधी अलिबाग
“गार्डियन्स ऑफ द शोर” – सागरी कासव संवर्धन माहिती कार्यशाळा संपन्न
प्राणीशास्त्र विभाग, जे. एस. एम. महाविद्यालय अलिबाग तर्फे आयोजन
तुषार थळे, प्रतिनिधी अलिबाग
बिनधास्त न्यूज नेटवर्क
अलिबाग: (दि २३) प्राणिशास्त्र विभाग, जे. एस. एम. महाविद्यालय, अलिबाग आणि उपवनसंरक्षक, कांदळवन प्रतिष्ठान, रायगड यांच्या सहकार्याने दिनांक 23 फेब्रुवारी 2026 रोजी सकाळी 11.00 ते 12.00 या वेळेत प्राणिशास्त्र विभागात “गार्डियन्स ऑफ द शोर – सागरी कासव संवर्धन माहिती कार्यशाळा” यशस्वीपणे आयोजित केली.
या कार्यशाळेत उपसंरक्षक आणि खारफुटी कक्ष रायगड येथील श्रीमती प्रीती सावंत यांनी विद्यार्थ्यांना मार्गदर्शन केले. त्यांनी महाराष्ट्र किनारपट्टीवरील सागरी कासवांच्या प्रजाती, त्यांचे पर्यावरणीय महत्त्व, अधिवास नाश व समुद्री प्रदूषणामुळे निर्माण झालेले धोके तसेच स्थानिक स्तरावर संवर्धनासाठी समुदायाच्या सहभागाचे महत्त्व याबाबत सविस्तर माहिती दिली.
या कार्यशाळेस एकूण 37 जण उपस्थित होते. त्यामध्ये 10 पुरुष विद्यार्थी, 22 महिला विद्यार्थी आणि 5 प्राध्यापकांचा समावेश होता. विद्यार्थ्यांमध्ये सागरी कासव संवर्धनाबाबत जागरूकता निर्माण करणे हा कार्यक्रमाचा मुख्य उद्देश होता. सहभागी विद्यार्थ्यांना माहिती पुस्तिका व किट बॅग देण्यात आल्या, जेणेकरून ते आपल्या कुटुंबीयांमध्ये व मित्रांमध्ये जागरूकता निर्माण करू शकतील.
विद्यार्थ्यांनी कार्यशाळेत उत्स्फूर्त सहभाग घेतला व स्थानिक परिसरातील सागरी कासव संवर्धनाविषयी मौल्यवान ज्ञान प्राप्त केले. अनेक विद्यार्थ्यांनी सागरी कासव संवर्धन व जनजागृती कार्यक्रमात स्वयंसेवक म्हणून कार्य करण्याची तयारी दर्शविली. या उपक्रमामुळे विद्यार्थ्यांमध्ये पर्यावरण संरक्षणाची जाणीव व जबाबदारी अधिक दृढ झाली.
कार्यशाळेची प्रस्तावना प्राणीशास्त्र विभागाचे प्रमुख डॉ. अद्वैत घाटपांडे यांनी केली आणि आभार मानले. कार्यशाळेच्या सुरळीत संचलनासाठी डॉ. सुनील आनंद यांनी मदत केली. कार्यशाळेत डॉ. मीनल पाटील मॅडम, प्रा. हिमांशू कुलकर्णी आणि प्रा. प्रीतम सातुपे यांनी सक्रिय सहभाग घेतला. सदर कार्यक्रमाचे आयोजन जनता शिक्षण मंडळाचे अध्यक्ष मा. अॅड. गौतम पाटील व महाविद्यालयाच्या प्राचार्या डॉ. सोनाली पाटील यांच्या मार्गदर्शनाखाली करण्यात आले.
