0
4
8
2
9
7
मखमली स्वप्न
पोशिंदा मी या जगाचा
म्हणतात मला बळीराजा
उपेक्षिताच जीवन जगतोय
जगणच होतय आज सजा
शेतकरी कुटुंबातील जन्म
दारिद्र्य पाचवीला पुंजलेल
लहानपणापसूनच बघतोय
बापाला कामात जुंपलेल
शिक्षण घेतल ,मोठा झालो
वाटलं मिळेल हाताला काम
कुटुंबाला हातभार होईल
मायबापाच फिटेल पांग
पण सामान्य बुद्धिमत्तेला
कुठे आहे आजकाल वाव?
धंद्यासाठी भांडवल नाही
कसं कुठे कमवू नाव?
वय झालं लग्नाचं आता
इथ मुलींकडून येतो नकार
तुटपुंज्या शेतीत होत काय
कसं घेईल भविष्य आकार
इतरांसारखे रंगवले होते मी
मखमली स्वप्न संसाराचे
सुंदर रेशीम बंधनातील
सप्तजन्मीच्या त्या नात्याचे
मी शेतकरी मुलगा म्हणून
समाजच नाकारतो मला
विवंचनेत जगणाऱ्या शेतकऱ्याची
किंमत कळेल का जगाला?
अनुराधा बाबाराव भुरे,नांदेड
0
4
8
2
9
7
