0
4
8
2
9
0
गुपित मनाचे
मनात दडलेले गुपित
कोणास सांगू कसे?
राहवत नाही जरा,
मनाला धरू मी कसे?
रात्र झोप न लागे,
डोळे उघडेच राहती.
मनातील वादळांना
शांत हळूहळू करती.
कधी लाजतो मनाशी,
कधी एकटाच हसतो.
स्वप्नांच्या गाठीभेटीत
गोंधळातच हरवतो.
येते स्वप्नसुंदरी कधी,
डोळ्यांनी कटाक्ष करते.
हळूच हसते गालात,
नव्या वाटेने नेऊ पाहते.
वाटे सांगावे जगाला,
मनातील हे सारे.
भीतीच भासे मनाला,
“वेडा समजतील सारे!”
डॉ. बालाजी राजूरकर
हिंगणघाट जि. वर्धा
===========
0
4
8
2
9
0
