वानाडोंगरी शासकीय वस्तीगृहात गंभीर प्रकार
गृहपालावर विद्यार्थ्यांवरील अत्याचाराचे आरोप
वानाडोंगरी शासकीय वस्तीगृहात गंभीर प्रकार
गृहपालावर विद्यार्थ्यांवरील अत्याचाराचे आरोप
हिंगणा शहर प्रतिनिधी
बिनधास्त न्यूज नेटवर्क
नागपूर : (दि १९) हिंगणा वानाडोंगरी शहरातील वानाडोंगरी परिसरातील डॉ. बाबासाहेब आंबेडकर शासकीय वस्तीगृहात धक्कादायक प्रकार उघडकीस आल्याची माहिती समोर येत आहे. वस्तीगृहाच्या गृहपालाकडून मुलांवर मानसिक व अत्याचार केल्याचे गंभीर आरोप विद्यार्थ्यांनी केले असून या प्रकरणामुळे परिसरात मोठी खळबळ उडाली आहे.
मिळालेल्या माहितीनुसार, वस्तीगृहात राहणाऱ्या विद्यार्थ्यांनी गृहपालाच्या वागणुकीबाबत वारंवार तक्रारी केल्या होत्या. विद्यार्थ्यांचा आरोप आहे की, किरकोळ कारणांवरून अपमानास्पद भाषा वापरणे, धमकावणे तसेच अनुचित वर्तन करणे असे प्रकार सतत घडत होते. काही विद्यार्थ्यांनी तर या प्रकारामुळे मानसिक त्रास सहन करावा लागत असल्याचे सांगितले आहे.
यापूर्वीही नागपूरातील शासकीय वसतिगृहांमध्ये सुरक्षेच्या त्रुटी आणि गैरवर्तनाच्या घटना समोर आल्या असून अशा प्रकारांमुळे विद्यार्थ्यांच्या सुरक्षिततेवर प्रश्नचिन्ह उपस्थित झाले आहे. काही प्रकरणांत वॉर्डन आणि सुरक्षा कर्मचाऱ्यांवर कारवाईही करण्यात आली होती.
दरम्यान, या नव्या प्रकरणाची माहिती समोर येताच संबंधित विभागाने चौकशी सुरू केल्याची माहिती मिळत आहे. दोषींवर कठोर कारवाई करण्याची मागणी पालक व सामाजिक संघटनांकडून करण्यात येत आहे. विद्यार्थ्यांच्या सुरक्षिततेसाठी वस्तीगृहांमध्ये कडक देखरेख, सीसीटीव्ही व्यवस्था आणि जबाबदार प्रशासन आवश्यक असल्याची भावना व्यक्त केली जात आहे.
गृहपाल विजया रायसने यांची प्रतिक्रिया :
आमच्या प्रतिनिधींनी गृहपाल रायसने यांना फोन द्वारे संपर्क केले असता त्यांनी सांगितले की मी नियमानुसार विद्यार्थीना शिस्तीमध्ये राहत नाही मी फक्त शिस्त लावले, त्यांना समजावले समज दिले नियम लावले, हॉस्टेलच्या काही सीनियर्स विद्यार्थ्यांनी एका लहान मुलाचं रॅगिंग पण घेतली, असे पण सांगितले.
विद्यार्थ्यांचा रात्री बे रात्री अकरा बारा वाजता येणे जाण्याचा काही टाइमिंग नाही, जेवणाचा काही टाइमिंग नाही मी फक्त नियमाप्रमाणे त्यांच्यावर नियम व शिस्त लावले, आणि समज दिली. मी त्यांना कोणत्याही गलिच्छ भाषेत वापर केला नाही व अनैतिक वागणूक केली नाही असे ते म्हणाले.
