माझा शिवबा राजा
स्वराज्याचा वाली झाला
माझा शिवबा राजा रं
सरली रात्र काळोखाची
आलं सुखाचं हे राज रं
राज्याभिषेक सोहळा छान
महाराष्ट्राच्या मातीची शान ..१
स्वराज्याच बांधलं तोरण
माझ्या शिवबा राजनं
सोहळा भाग्याचा पाहून
फिटलया डोळ्याचं पारणं
राज्याभिषेक सोहळा छान
महाराष्ट्राच्या मातीची शान ..२
32 मनाचं शोभे सिंहासन
नाणे निर्मियले शिवराई होन
राजमुद्रा ही मराठी खुण
मोहोर ठरली आमचा अभिमान
राज्याभिषेक सोहळा छान
महाराष्ट्राच्या मातीची शान ..३
सोहळ्याचा काय तो थाट
अधिस्वीकृतीची नवी वहिवाट
जनसागराचे लोटच्या लोट
मन हर्षले नयनरम्य सोहळा पाहून
राज्याभिषेक सोहळा छान
महाराष्ट्राच्या मातीची शान ..४
शिवबा आमचं भूषण
महाराष्ट्र मातीची ही देणं
जिजाऊ शहाजी राजांचा सुपुत्र महान
पळवून लावले सारे हैवान
राज्याभिषेक सोहळा छान
महाराष्ट्राच्या मातीची शान ..५
डॉ. पद्मा जाधव-वाखुरे
छ.संभाजीनगर
