मनिप्लांट
मनिप्लांट..
तसं इंग्रजी नाव तुझं..
तुला बघून मन मोहात पडलं माझं..
कोवळी,हिरवी पानं…
तुला नाही माती,कुंडीचा ताण…
काचेच्या बाटलीतही तू ताजातवान ..
अस म्हणतात,तू पैशाचा वेल..
तुझ्यामुळे घरात वाढते आर्थिक रेलचेल..
तुला दुसऱ्याकडून चोरून आणायचं…
आणि आपल्या कुंडीत लावायच….
मग येतो पैसा भरभरून घरात..
एकंदरीत, इथेही असतो स्वार्थच मनात..
किती मतलबी आहे ना मानव…
एवढा स्वार्थी तर नव्हता दानव…
तू मात्र माझ्या घरी,
रोपवाटिकेतून आला..
कळलेच नाही कधी इतका
जिवलग झाला…
सकाळी उठताच तुझी भेट घेते..
लगेचच जवळची तुळशीही,
मंद झुळक येता डोकावते…
तीलाही तुझ्यासवे प्रेमाने न्याहाळते..
गुड मॉर्निंग डिअर्स म्हणत..
रम्य सहवासात मी रमून जाते…
म्हणूनच कदाचित नाही जमले मला..
या स्वार्थी दुनियेवर प्रेम करायला..
ही छोटीसी पानाफुलांची दुनिया,
पुरेशी आहे मला…
या जीवनी आनंद भरायला…!
या जीवनी आनंद भरायला…!
संध्या मनोज पाटील
अंकलेश्वर (गुजरात)
